Women’s Association News

ಅಂತರ್ ರಾಷ್ಟೀಯ್ ಸ್ತ್ರೀಯಾಂಚೊ ದಿವಸ್ ಅಚರಣ್ ಮಾರ್ಚ್ ಮಹಿನ್ಯಾಚ್ಯಾ 5 ತಾರಿಕೆರ್ ಆಯ್ತಾರಾ ದಿಸಾ ಸಹೆಲಿ ಸ್ತ್ರೀ ಸಂಘಟಣಾ ಥಾವ್ನ್ ಆಚರಣ್ ಕೆಲೊ.  ಸಕಾಳಿಂ 7 ವೊರಾಂಚ್ಯಾ ಮಿಸಾ ಸವೆಂ ಹ್ಯಾ ಭಾಗಿ ದಿಸಾಚೆ ಆಚರಣ್ ಪ್ರಾರಂಭ್ ಕೆಲೆಂ.  ಆಮ್ಚೊ ಫಿರ್ಗಜ್ ವಿಗಾರ್ ಬಾಪ್ ಮಾ| ಜೇಮ್ಸ್ ಸೋಜ್ ಹಾಣಿಂ ಸವೆಂ ಮಿಸಾಚೆಂ ಬಲಿದಾನ್ ಭೆಟಯ್ಲೆಂ. ಸ್ತ್ರೀ ಸಂಘಟಣಾಚ್ಯಾ ಸಾಂದ್ಯಾಂನಿ ಲಿತುರ್ಜಿ ಚಲವ್ನ್ ವ್ಹೆಲಿ.  ಉಪ್ರಾಂತ್ 8 ವೊರಾರ್ ಫೆರೆರ್ ಸಾಲಾಂತ್ ಆಮಂತ್ರಿತಾಂ ಸವೆಂ ಸಹೆಲಿ ಸಂಘಟಣಾಚ್ಯಾ ಸಾಂದ್ಯಾಂನಿ ಕಾಫಿ-ಫಳಾರ್ ಸರ್ವಾಂಕ್ ವಾಂಟುನ್, ಕಾರ್ಯಕ್ರಮ್ ಪ್ರಾರಂಭ್ ಕೆಲೆಂ.

ಹ್ಯಾ ಕಾರ್ಯಕ್ರಮಾಂತ್ ಫಿರ್ಗಜ್ ವಿಗಾರ್ ಮಾ| ಬಾಪ್ ಜೇಮ್ಸ್ ಸೊಜ್, ಸಹಾಯಕ್ ವಿಗಾರ್ ಮಾ| ಬಾಪ್ ನವೀನ್ ಪಿಂಟೊ, ಮಾ| ಬಾಪ್ ಅರುಣ್ ಲೋಬೊ, ಮಾ| ಬಾಪ್| ವಿಲಿಯಂ ಬರೊಕಸ್, ಫಿರ್ಗಜ್ ಉಪಾಧ್ಯಕ್ಷ್ ಶ್ರೀಮಾನ್ ಅನಿಲ್ ಲೋಬೊ, ಕಾರ್ಯದರ್ಶಿ ಶ್ರೀಮಾನ್ ಡೊಲ್ಫಿ ಸಲ್ಡಾನಾ, ಆನಿ ಸಹೆಲಿ ಸಂಘಟಣಾಚಿ ಅಧ್ಯಕ್ಷಿಣ್ ಶ್ರೀಮತಿ ಲೀನಾ ಫೆರ್ನಾಂಡಿಸ್ ಹಾಣಿಂ ಮನಾಚಿ ಬಸ್ಕಾ ಸ್ವೀಕಾರ್ ಕರುನ್ ವೆದಿ ಸೊಭಯ್ಲಿ.

ಸ್ತ್ರೀಯಾಂಚೆಂ ಸ್ಥಾನ್ ಮಾನ್, ಮಹತ್ವ್, ಆನಿ ಗೌರವಾ ವಿಶಿಂ ಡಾ| ರೋಜ್ ವೀರಾ ರೊಡ್ರಿಗಸ್ ಹಿಣೆಂ ಸಂಕ್ಷಿಪ್ತ್ ರಿತಿನ್ ಉಲೊವ್ನ್ ಹೆಂ ಕಾರ್ಯಕ್ರಮ್ ಪ್ರಾರಂಭ್ ಕೆಲೆಂ.  ಸಹೆಲಿ ಸಂಘಟಣ್ ಅಧ್ಯಕ್ಷಿಣ್ ಶ್ರೀಮತಿ ಲೀನಾ ಫೆರ್ನಾಂಡಿಸಾನ್ ಮುಖೆಲ್ ಸಯ್ರ್ಯಾಂಕ್ ಫುಲಾಂಚೊ ತುರೊ ದೀವ್ನ್  ಸ್ವಾಗತ್ ಕೆಲೆಂ.  ಶ್ರೀಮತಿ ಗ್ರೆಟ್ಟಾ ಸೋಜ್ ಆನಿ ಪಂಗಡ್ ಹಾಣಿಂ ಪ್ರಾರ್ಥನ್ ಗೀತ್ ಗಾಯ್ಲೆಂ.  ಶ್ರೀಮತಿ ಎಮಿಲ್ಡಾ ಮೆಂತೊರೊನ್ ವಾರ್ಷಿಕ್ ವರ್ದಿ ಸಭೆ ಮುಕಾರ್ ದವರ್ಲಿ.  ಮುಕೆಲ್ ಸಯ್ರೊ ವಿಗಾರ್ ಬಾಪ್ ಮಾ| ಜೇಮ್ಸ್ ಸೊಜ್ ಹಾಣಿಂ ಸಹೆಲಿ ಸ್ತ್ರೀ ಸಂಘಟಣಾನ್ ಫಿರ್ಗಜೆಂತ್ ದಿಂವ್ಚ್ಯಾ ಸೆವೆ ಥಂಯ್ ಆಪ್ಲಿ ಶಾಭಾಸ್ಕಿ ಉಚಾರ್ಲಿ.  ಫುಡ್ಲ್ಯಾ ದಿಸಾನಿಂ ಫಿರ್ಗಜೆಂತ್ಲ್ಯಾ ಚಡಿತ್ ಸ್ತ್ರೀಯಾಂನಿ ಹ್ಯಾ ಸಂಘಟಾನಾಂತ್ ಭರ್ತಿ ಜಾಂವ್ಚ್ಯಾಕ್ ವಾವ್ರ್ ಜಾಯ್ಜಾಜ್.  ಪಾಟ್ಲ್ಯಾ ಹ್ಯಾ ವರ್ಸಾಚ್ಯಾ ವರ್ದೆಂತ್ ಕಾಣ್ಸಿಲ್ಯಾ ಪರ್ಮಾಣೆ ಸ್ತ್ರೀಯಾಂಚ್ಯಾ ಬರ್ಯಾಪಣಾ ಖಾತಿರ್ ಸಬಾರ್ ಕಾರ್ಯಕ್ರಮಾಂ ಮಾಂಡುನ್ ಹಾಡ್ಲ್ಯಾಂತ್.  ಹಾಜರ್ ಆಸ್‍ಲ್ಲ್ಯಾ ಆಮಿ ಸರ್ವಾಂನಿ ಸ0ಘಟಣ್ ಬಳ್ ಜಾಂವ್ಚ್ಯಾಕ್ ಆಧಾರ್ ದೀಜಾಯ್ ಮ್ಹಣ್ ಸಂದೇಶ್ ದಿಲೊ. ಶ್ರೀಮತಿ ಜೆಸಿಂತಾ ಮರ್ಲಿ ಆನಿ ಪಂಗಡ್ ಆನಿ “ಸ್ತ್ರೀಯೊ” ಮ್ಹಳ್ಳೆಂ ಜಮ್ಯಾ ಗಾಯಾನ್ ಗಾಯ್ಲೆಂ.  ಶ್ರೀಮತಿ ಎಮಿಲ್ಡಾ ಮೊಂತೆರೋನ್ ಖೆಳ್ ಚಲವ್ನ್ ವರುನ್ ವಿಜೇತಾಂಕ್ ಇನಾಮಾಂ ವಾಂಟ್ಲಿಂ.

ಶ್ರೀಮಾನ್ ಡೊಲ್ಫಿ ಸಲ್ಡಾನಾನ್ ಫೊಕಾಣಾಂ ದ್ವಾರಿಂ ಆಮ್ಕಾಂ ಪೊಟ್ ಭರ್ ಹಾಸಯ್ಲೆಂ.  ಶ್ರೀಮತಿ ವೀರಾ ಲುದ್ರಿಗ್ ಆನಿ ಪಂಗಡ್ ಆನಿ ಬಾಯ್ಲಾ ನಾಚ್ ಪ್ರದರ್ಶನ್ ಕೆಲೊ.  
ಹ್ಯಾ ದಿಸಾಚ್ಯಾ ಕಾರ್ಯಕ್ರಮಾಕ್ ಸ್ಪೆಷಲ್ ಐಸ್‍ಕ್ರೀಮ್ ದೀವ್ನ್ ಪೊಷಕ್ ಜಾಲ್ಲೊ ಆಮ್ಚೊ ಉಪಾಧ್ಯಕ್ಷ್ ಶ್ರೀಮಾನ್ ಆನಿಲ್ ಲೋಬೊ ಆನಿ ಇನಾಮಾಂಕ್ ಪೋಷಕ್ ಜಾಲ್ಲೊ ಮಾನೆಸ್ತ್ ಜ್ಯೋ ಡಿ’ಸಿಲ್ವಾ ಹಾಂಚೊ ತಶೆಂಚ್ ಆಪೊವ್ಣ್ಯಾಕ್ ಪಾಳೊ ದೀವ್ನ್ ಹಾಜರ್ ಜಾಲ್ಲ್ಯಾ ಸರ್ವಾಂಚೊ ನಿಕಟ್ ಪೂರ್ವ್ ಅಧ್ಯಕ್ಷಿಣ್ ಶ್ರೀಮತಿ ಲೀನಾ ಡಿ’ಸೋಜನ್ ಉಪ್ಕಾರ್ ಬಾವ್ಡುನ್ ಧನ್ಯವಾದ್ ಪಾಟಯ್ಲೆಂ ಅನಿ ಹೆಂ ಕಾರ್ಯೆಂ ಸಂಪಯ್ಲೆಂ.

- ಗ್ರೆಟ್ಟಾ ಡಿ’ಸೋಜ