Catholic Sabha News

ಜೂನ್ 3, 2017: ಆಮ್ಚ್ಯಾ ಸಮಾಜೆಚ್ಯಾ ಯುವಜಣಾಂನಿ ಸರ್ಕಾರಿ ಕಾಮಾಂ ಆನಿ ಉಂಚ್ಲೆ ಹುದ್ದೆ ಅಪ್ಣಾಯ್ಜೆಯ್. ಕಥೊಲಿಕ್ ಸಭೆನ್ ಹ್ಯಾ ವಿಶ್ಯಾಂತ್ ಚಡ್ ವಾವ್ರ್ ಕರಿಜಾಯ್ – ಅಶೆಂ ಮ್ಹಣಾಚೊ ಮಂಗ್ಳುರ್‍ಚೊ ಫಾಮಾದ್ ಲೇಕ್ ಪರಿಶೋಧಕ್ ಶ್ರೀ ರುಡೊಲ್ಫ್ ರೊಡ್ರಿಗಸ್; ಜೂನ್ 3 ತಾರಿಕೆರ್ ಸನ್ವಾರಾ ಸಾಂಜೆರ್  ಕಥೊಲಿಕ್ ಸಭಾ ವಾಲೆನ್ಸಿಯಾ ಘಟಕಚ್ಯಾ 18ವ್ಯಾ ವಾರ್ಷಿಕೋತ್ಸವಾಚ್ಯಾ ಸಂದರ್ಭಿಂ ಕಾರ್ಯಾಚೊ ಮುಖೆಲ್ ಸಯ್ರೊ ಜಾವ್ನ್ ಅಪ್ಲೊ ಸಂದೇಶ್ ದಿಲೊ. ಸಾಂಜೆರ್ ಅರ್ಗಾ ಬಲಿದಾನಾ ಸವೆಂ ಕಾರ್ಯೆ ಆರಂಭ್ ಜಾಲೆಂ. ತ್ಯಾ ನಂತರ್ ಚಲ್‍ಲ್ಲ್ಯಾ ಸಭಾ ಕಾರ್ಯಕ್ರಮಾಕ್ ವಿಗಾರ್ ಬಾಪ್ ಅತ್ಮೀಕ್ ನಿರ್ದೆಶಕ್ ಜೆಮ್ಸ್ ಡಿ’ಸೋಜ ಹಾಜಿರ್ ಆಸೊನ್, ಕಥೊಲಿಕ್ ಸಭೆನ್ ಕರ್ಚ್ಯಾ ಸರ್ವ್ ಕಾಮಾಕ್ ಶಾಬಾಸ್ಕಿ ಉಚಾರ್ಲಿ, ಫುಡ್ಲ್ಯಾ ವರ್ಸಾ ಆನಿಕೀ ಚಡ್ ಎಕ್ವೊಟಿತ್ ಜಾವ್ನ್ ವಾವ್ರುಂಕ್ ಉಲೊ ದಿಲೊ.

ಆಮ್ಚ್ಯಾ ಫಿರ್ಗಜೆಂತ್ ಆನಿ ಸಮಾಜೆಂತ್ ವಿಶಿಷ್ಟ್ ಸೆವಾ ದಿಲ್ಲ್ಯಾ ಶ್ರೀ ಫೆಲಿಕ್ಸ್ ಡಿ’ಸಿಲ್ವಾಕ್ ಆನಿ ಶೈಕ್ಷಣಿಕ್ ಕ್ಷೇತ್ರಾಂತ್ ವಿಶಿಷ್ಟ್ ಸಾಧನ್ ಕೆಲ್ಲ್ಯಾ ದೊತೊರ್ ಶ್ರೀಮತಿ ಲಿನೆಡ್ ಲಸ್ರಾದೊ ಹಾಂಕಾ ಫುಲಾಂ, ಫಳಾಂ ಆನಿ ಶೊಲ್ ಪಾಗ್ರುನ್ ಸನ್ಮಾನ್ ಕೆಲೊ.

ಹ್ಯಾ ಸಂಧರ್ಭಾರ್ ಮಾ|ಬಾ|ಅರುಣ್ ಲೋಬೊಕ್ ಜಲ್ಮಾ ದಿಸಾಚೆ ಉಲ್ಲಾಸ್ ಪಾಟವ್ನ್ ಕೇಕ್ ಕಾತರ್ಲಿ. ಕಾರ್ಯಾಚೆ ಅಧ್ಯಕ್ಷ್ ಸ್ಥಾನ್ ಶ್ರೀ ಪ್ಯಾಟ್ರಿಕ್ ಡಿ’ಸೋಜಾನ್ ಘೆವ್ನ್ ಸಕ್ಡಾಂಕ್ ಸ್ವಾಗತ್ ಮಾಗ್ಲೆಂ. ಕಾರ್ಯದರ್ಶಿ ಶ್ರೀಮತಿ ಜಾನೆಟ್ ಪಿರೇರಾನ್ ವಾರ್ಷಿಕ್ ವರ್ದಿ ವಾಚ್ಲಿ. ಶ್ರೀಮತಿ ಮರ್ಲಿನ್ ರೆಗೊನ್ ಸರ್ವಾಂಚೊ ಉಪ್ಕಾರ್ ಬಾವುಡ್ಲೊ. ಬಾಪ್ ವಿಲಿಯಂ ಮಿನೇಜಸಾನ್ ಜೆವ್ಣಾಚೆರ್  ಆಶೀರ್ವಾದ್ ಮಾಗ್ಲೊ. ಶ್ರೀಮತಿ ಲಿಝಿ ಪಿಂಟೊನ್ ಕಾರ್ಯಕ್ರಮ್ ಚಲೊವ್ನ್ ವ್ಹೆಲೆಂ. ಸಾಂಸ್ಕøತಿಕ್ ಕಾರ್ಯಕ್ರಮಾಚೊ ವಾಂಟೊ ಜಾವ್ನ್ ‘ರÀಂಜನ್ ಬೊರ್ಕೊ’ ಪಂಗ್ಡಾ ಥಾವ್ನ್ ಫೊಕಣಾಂ ಆನಿ ಕಥೊಲಿಕ್ ಸಭೆಚ್ಯಾ ಸಾಂದ್ಯಾ ಥಾವ್ನ್ ನೃತ್ಯ್ ಚಲೊವ್ನ್ ವ್ಹೆಲೆಂ. ಜೆವ್ಣಾ ಸವೆಂ ಕಾರ್ಯೆಂ ಸಂಪ್ಲೆಂ.