ವ್ಯೆ ಸಿ ಯಸ್ ವಾಲೆನ್ಸಿಯಾ ಘಟಕಾ ಥಾವ್ನ್ 2018 ಜುಲ್ಯೆಚ್ಯಾ 29 ತಾರ್ಕೆರ್, ಆಯ್ತಾರಾ ಸಾಂಜೆರ್ 30 ಜಣ್ ಸಾಂದ್ಯಾಂನಿ ಸಾಂ ಅನ್ನಾ ಪ್ರೊವಿಡೆನ್ಸ್, ಆಂಜೆಲೊರ್ ಹಾಂಗಾಸರ್ ಪಿಡೆಸ್ತ್ ಆನಿ ಪ್ರಾಯ್ವಂತಾಂಚಿ ಭೆಟ್ ಕೆಲಿ. ಆಸ್ರ್ಯಾಚಿ ವ್ಹಡಿಲ್ನ್ ಭಯ್ಣ್ ಜೆಸಿಂತಾ ಕೊರೆಯಾನ್ ಸರ್ವಾಂಕ್ ಸ್ವಾಗತ್ ಮಾಗ್ಲೊ. ಸುರ್ವೆರ್ ಮಾಗ್ಣ್ಯಾ ಸವೆಂ ಕಾರ್ಯೆಂ ಆರಂಭ್ ಕೆಲೊ. ಉಪ್ರಾಂತ್ ಸಾಂದ್ಯಾಂನಿ ನಾಚ್, ಸಂಗೀತಾ ಸವೆಂ ಆಸ್ರ್ಯಾಂಚ್ಯಾ ನಿವಾಸ್ಯಾಂಕ್ ಮನೋರಂಜನ್ ದಿಲೆಂ. ಉಪ್ರಾಂತ್ ಸಚೇತಕಾಂ ಶ್ರೀ ಪ್ಯಾಟ್ರಿಕ್ ಲುದ್ರಿಗ್ ಆನಿ ಶ್ರೀಮತಿ ಜಾಸ್ಮಿನ್ ವಾಸ್ ಹಾಂಣಿಂ ಆಸ್ರ್ಯಾಚ್ಯಾ ನಿವಾಸ್ಯಾಂಕ್ ಖೆಳ್ ಮಾಂಡುನ್ ತಾಂಕಾಂ ಸಂತೊಸ್ಭರಿತ್ ಕೆಲೆಂ ಆನಿ ಉಪ್ರಾಂತ್ ಇನಾಮಾಂ ವಾಂಟ್ಲಿ. ಸಾಂಗಾತಾಚ್ ವೆಲೆನ್ಸಿಯಾ ಫಿರ್ಗಜೆಥಾವ್ನ್ ಎಕ್ಟಾಂಯ್ ಕೆಲ್ಲ್ಯೊ ದಿಸ್ಪಡ್ತ್ಯಾ ಗರ್ಜಾಂಕ್ ಉಪ್ಯೋಗ್ ಜಾಂವ್ಚ್ಯೊ ವಸ್ತುಂ ತಾಂಚ್ಯೆ ಸಾಂಗಾತಾ ವಾಂಟುನ್ ಘೆತ್ಲೆಂ. ಉಪ್ರಾಂತ್ ಸಾಂದ್ಯಾಂನಿ ಥಂಯ್ಸರ್ ಆಸ್‍ಲ್ಲ್ಯಾ ಪ್ರಾಯ್ವಾಂತಾಂ ಸಂಗಿಂ ವೇಳ್ ಖರ್ಚಿಲೊ, ತಾಂಚಿಂ ಭೊಗ್ಣಾಂ ಆಯ್ಕಲಿಂ. ಆಸ್ರ್ಯಾಚಿ ನಿವಾಸಿ ಫ್ಲೋರಿನ್ ಹಿಣೆಂ ಧನ್ಯವಾದ್ ಪಾಟಯ್ಲೆಂ ಆನಿ ಕು| ವೆಲೆರಿ ಲೋಬೊ, ವ್ಯೆಸಿಯಸ್ ಅಧ್ಯಕ್ಷ್ ಹಿಣೆಂ ಕಾರ್ಯೆಂ ನಿರ್ವಾಹಣ್ ಕೆಲೆಂ.

Comments powered by CComment

Home | Parish | NewsSitemap| Contact

Copyright ©2015 www.valenciachurch.org. Powered by eCreators

St. Vincent Ferrer Church
Valencia, Mangalore 575002

0824-2436913, 2436078